"La pastiha"
  "CONTES des Monédières" pour les grands
Janina Bachelariá .

au " Café de la Paix" à TULA le 14  dec 2016
 

LA PASTILHA A LA MENTA Aquela istòria s'es passada dins las annadas seissanta-dietz, quand las femnas se botèron en testa de s' émancipar.  Lo mes de Mai seissanta-uech aviá chambardat la sexualitat del monde e dempuei que la pilula èra arribada sus lo merchat, la quita campanha prunda ne'n èra tota enfeuronada. Quò fai que las « mors », coma disiá lo brave curet de la comuna de Rosiers d'Aus Gletons, se degradèron e de meschants biais, de mauvasas costumas arribèron. Un boiradis do diable entre vesins que las valors s'èran envoladas ; la quita Delin qu'aviá quitat lo prejadiu l'annada passada a seissanta ans, aviá sautat la cleda e sabiá pas coma se virar... Adonc lo curet prenguet lo plan de convidar un missionari en esperar los far tornar a la moralitat. Un dimenche, faguet venir tots sos parofians dins la gleisa.  Lo missionari prenguet la paraula e lor damandet de monter chascun lor torn e de contar devant los autres ço qu'avian fach, una confession davant lo monde coma quò se fasiá desjà en America ... Tota boitosa que fussa, la vielha Marisson èra venguda tanben coma sa nòra. La paubra èra sorda coma una ola e dau temps que lo missionari batalhava, butissiá lo braç de la Delin en li dire : - Que ditz ? Que ditz ? Quand la Delin ne'n aguet son pro, li disset : - Ditz que bailara una pastilha a la menta a queus que montaran ... Quand nòstra Marisson arribet, digada - digadant ! davant lo missionari, l'òme ne'n f uguet tòt esbaubit. - Pas vos Marisson !!! - E perqué pas Monsur lo Missionari, quò es pas causa que marche dins mas quatre-vint-dietz ans que ne'n suçariá pas una ! Janina Bachelariá

 Pour charger  le mp3 
La pastille de menthe

"Cliquez" sur le lien: une fenêtre s'ouvre et présente un lecteur mp3
Vous pouvez "écouter" et/ou télécharger en utilisant votre "clic droit"
et "enregistrer sous"