"L'aiga"
Poème de Marcelle DELPASTRE .
(Paraulas par questa terra, Tome IV, p.27
Edition Chamin de Sent Jaune)

Dit par Bernadette PLAS.




 



L'aiga


L'aiga que vai onte pòt 'nar-, totjorn pus lonh,
totjorn pus bas, l'aiga davala;
 l'aiga lena, qu'a pas de fòrma,
 pren la fòrma de ço que la pòrta, se ten dins la forma de ço que la ten.

Mas tu, quand veses sus la vitra un fum d'aiga -
 o sus l'aiga, onte duerm -
que dins la freg se sarra, e giala, e pren de las fòrmas de fuelha, de mossa, d'aubre viu,
que s'assembla, se pausa, se trama, e de tant de chausas pren semblança -
zo comprenes, 'laidonc, que tota fòrma era dins l'aiga,
 e que n'a sautat, un jorn...

Auves la mar, la mar pacienta que se ròtla,
que se desròtla, còrs contra còrs,
que se frisa, se desfrisa,
que ritz, que udla, que se planh, que se vòja e que se desbòja, miralh de lutz quand l'estindòla,
vòla, au solelh nuèu, miralh de lutz!
Auves lo bruch dins l'aiga, de tot çò que minja,
de tòt çò que nada,
de tòt çò que viu!..
Sabes que dins la mar tota vita comença,
 'na ombra de charn, un grun de sau...
    .
E zo sabes que ses de charn, de mesma charn
 que l'aiga, la peira, que l'aubre, l'estiala.

De mesma charn, de mesme sang.
E que portas au priond dau còrs, tu maitot la peira,
 la mar e l'estiala,
e que portas la grana, e l'eternal semen
de l'eternitat.





L'eau

L'eau qui va où elle peut aller, toujours plus loin, toujours plus bas, l'eau descend;
L'eau lisse, qui n'a pas de forme,
prend la forme de ce qui la porte, se tient dans la forme de ce qui la tient.

Mais toi, quand tu vois sur la vitre une buée d'eau - ou sur l'eau, là où elle dort -
qui dans le froid se serre, et gèle, et prend des formes de feuille, de mousse, d'arbre vivant,
qui s'assemble, se pose, se trame, et de tant de choses prend l'apparence -
tu le comprends, alors, que toute forme était dans l'eau, et qu'elle en est sortie, un jour...

Tu entends la mer, la mer patiente qui se roule,
qui se déroule, corps contre corps,
qui se frise, qui se défrise,
qui rit, qui hurle, qui se plaint, qui se vide et qui se dévide, miroir de lumière quand l'étincelle
vole, au soleil neuf, miroir de lumière!
Tu entends le bruit, dans l'eau, de tout ce qui mange,
de tout ce qui nage,
de tout ce qui vit!
Tu sais que dans la mer toute vie commence,
 une ombre de chair, un grain de sel...

Tu sais que tu es de chair, de même chair
que l'eau, la pierre, que l'arbre, l'étoile.

De même chair, de même sang.
Et que tu portes au fond du corps, toi-même la pierre, la mer et l'étoile,
que tu portes la graine, et l'éternelle semence
de l'éternité.




Marcela DELPASTRE, Paraulas per questa terra,Vol.4,ed Chamin de Sent Jaume, mai de 1998 (p.27)
En fond la Corrèze
Source: enregistrement en" live" du samedi 8 juin 2019
durant  BALAD'OC, TULA.




RETOUR RETOUR