Lo
miralh.
Aurias 'na figura?
Un còrs de charn coma ieu ai?
Lo sang que mont' en las venas,
Que davala.
Lo sang que vai dins las venas.
Si avias la mesma figura?
La peu tendra que la freg trabalha,
E lo grand fais de la penas.
Dos pes que van d'un champ dins l'autre.
Aguessas quela gòrja,
E mas dents,
Plan 'gusadas per lo plaser
E que 'atrapan lo vent
En se crochar dins la seda dau jorn.
Daus braç.
Doas mans plenas de jòia sus l'aiga d'estiu.
Los dets que saben la ròcha e lo sable
E la chalor umana.
Dos braç per embraçar.
Dos pes per correr vers lo fuec
E la chalor umana.
Aguessas la charn tendra, e lo còr,
Ente chad' espina
Podria trobar sa plaça.
Pas de peira tan pita
Que puescha pas lai far sa traça.
Pas de coteu tan mau 'fialat
Que ne'n poguessa tirar lo sang.
Pas 'na paraula.
Aguessas un còrs de charn,
Que tota charn agacha.
Lo fuec, l'aiga e lo vent,
Lo temps que passa;
E la mòrt per 'chabar, tot que lo blaça.
Un còrs daraijat a tots los vents,
Mon Diu,
E quela figura ente me reconeisser,
Ent' escupir ma paur,
Coma dins un miralh.
Mon Diu!
Si te cresia a ma semblança,
Per te gitar mon fais d'eternitat entre los braç,
Per te nejar coma ieu sei
Dins lo malur de viure.
Per te sarrar mielhs que l'amor,
Facia dins facia,
E te marcar dau cuer a l'òs,
Coma sei marcat,
Dau còr a l'arma.
.
|
Le miroir.
Aurais-tu un visage?
Un corps de chair comme moi j'ai?
Le sang qui grimpe dans les veines,
Qui descend.
Le sang qui coule dans les veines.
Et si tu avais le même visage?
La peau tendre que le froid éprouve,
Et l'énorme fardeau des peines.
Des pieds qui vont d'un champ à un autre?
Que tu aies cette gorge,
Et mes dents,
Tant aiguisées pour les plaisirs
Et qui harponnent le vent
En s'accrochant dans les duvets du jour.
Des bras.
Deux mains remplies de joie sur l'eau estivale.
Des doigts qui savent le rocher et le sable
Et la chaleur humaine.
Des bras pour embrasser.
Des pieds pour courir vers le feu
Et la chaleur humaine.
Que tu aies la chair tendre, et le corps,
Où chaque épine
Pourait trouver sa place.
Pas de pierre si petite
Qu'elle ne puisse y faire son sillon.
Pas de couteau si mal aiguisé
Qu'il ne puisse ôter le sang.
Pas une parole.
Que tu aies un corps de chair,
Que toute chair épie.
Le feu, l'eau et le vent,
Le temps qui passe;
Et la mort pour fin, de tout ce qui se flétrit.
Un corps déraciné à tous vents,
Mon Diu,
Et ce visage où je me reconnaît,
Où je crache ma peur
Comme sur un miroir.
Mon Dieu!
Si tu a cru à ma ressemblance,
Pour te prendre mon fardeau d'éternité entre les
bras,
Pour te noyer comme je le suis
Dans le malheur de vivre.
Pour te serrer plus fort que l'amour,
Face contre face,
Et te marquer du coeur à l'os,
Comme je suis marquée
Du coeur à l'âme.
|
RETOUR